Augas abertas en grupo
Cando o tempo e o mar o permiten nadamos na ría de Arousa, sempre en grupo e con boia de seguridade. Orientación, saídas, viraxes en boia e nado en grupo.
Natación · Ría de Arousa
Natación en augas abertas na ría de Arousa
Nadar no mar non se parece a nadar na piscina: hai correntes, ondas e ningunha liña no fondo. No clube aprendémolo xuntos, con seguridade e sen présa.
Piscina no inverno
Nos meses fríos traballamos técnica e resistencia en piscina para chegar á tempada de augas abertas en forma.
Do primeiro baño ao triatlón
Se nunca nadaches no mar, empezamos por distancias curtas preto da costa. Despois, saídas de triatlón, neopreno e nado en grupo.
Para quen é
- Nadadores de piscina que queren dar o salto ao mar.
- Triatletas que precisan mellorar a natación, a parte que máis respecto dá.
- Quen quere nadar no mar con compañía e máis seguridade.
Preguntas frecuentes
Necesito neopreno?
Para a maior parte do ano na ría é moi recomendable. Se aínda non tes, pregúntanos e aconsellámoste antes de mercar un.
Sei nadar pero nunca nadei no mar. Podo vir?
Si. Empezamos con distancias curtas preto da costa e sempre acompañados.
E se fai mal tempo?
A seguridade vai primeiro: se o mar non está para nadar, adestramos en piscina ou cambiamos o plan.
Ven probar con nós
O primeiro adestramento é de balde. Chámanos ou escríbenos.